正所謂，樣衰天注定，人格唔好嗨。
點解？你咁樣衰仲要咁嗨！仲要咁口臭！
話說前排有四條中女黎食飯，
我唔係serve佢地既，但從同事口中所知，佢地叫好少野食又多多要求同埋唔多老脾，搞到我同事都燥燥地。
而好不幸地，係我唔小心行過帶位既時候，肥師奶簡中左我⋯⋯
肥奶：『喂！』
我：『係！有咩幫到你呀？』
肥奶：『我想叫甜品呀！』
我：『係，請講～』
肥奶：『我要XXX同XXXX～』
之後呀肥師奶突然用本Menu姐住佢個7樣，好似有秘密要分享咁。
肥奶：『喂～～～～～～～』
哇，佢把口真係好臭呀屌，夾住岩岩食果D肉味同自身既口臭味。
最慘既係，親切既我，一早已經woo低身，食撚哂佢果啖氣。
肥奶：『（口氣聲）我朋友生日呀！一陣個甜品，幫我寫生日快樂XX呀！』
哇，係星期5,6LEE D日子，仲要炒到含含聲。
你衝入去廚房叫D師傅寫字，係死得好撚慘嫁。
最緊要係，我地甜品寫字係要pre-order。
我：『唔好意思呀小姐！今日比較忙，師傳可能唔得閒幫你寫，最多如果唔得，我幫你跟支蠟蠋呀！』
肥奶：『（立即嗨面＋口氣聲）下～最好唔好囉～！！！我朋友生日喎～得支蠟蠋唔得囉！！！』
我：『其實寫wording要pre-order嫁。』
肥奶：『我點知要pre-order姐！我唔理呀～你整俾我呀！』
之後D朋友見我地講咁耐咩事，
肥師奶就扮無事耍我走啦。
呀大姐，把口臭樣衰唔緊要，臨時臨急要求人做野仲要咁既語氣～
真係唔知你想點⋯⋯你朋友生日就早D做準備啦！
識得你都真係慘，生日蛋糕都已經無！
食生日飯仲要食咁撚少野⋯⋯
平時D日子係咪淨係食生米同生菜？
我自問無串過你頭油有口氣同洗得小錢呀！
其實我大可以咩都唔做，賤到連蠟蠋都唔撚俾你囉。
老老豆豆，其實你朋友生日關間餐廳乜L野事呢？
你朋友生日呀！去問港鐵可唔可以freeD野俾你呀！
你朋友生日呀！去問街坊福利會有無米派俾你呀！
你朋友生日呀！去問下自己點解會無錢食豪D淨係R人野呀！
你朋友生日呀！唔係我生日呀！
關我咩事呀！妖！
Search